ИФТИТОҲИ БИНОИ ИЛОВАГИИ МТМУ №41-И ШАҲРИ КӮЛОБ

Дар идомаи сафари корӣ Сарвазири мамлакат Қоҳир Расулзода, вазири маориф ва илм ва раиси вилояти Хатлон дар маҳаллаи Сайдалӣ Вализодаи шаҳри Кӯлоб бинои иловагии Муассисаи таҳсилоти миёнаи умумии №41-ро мавриди истифодабарӣ қарор доданд.

Иттилоъ дода шуд, ки синфхонаҳои иловагӣ барои 96 ҷойи нишаст дар назди филиали Муассисаи таҳсилоти миёнаи умумии №41 аз ҷониби падару модарон ба маблағи умумии 990 ҳазор сомонӣ бунёд гардида, иншооти мазкур аз як ошёна иборат буда, дорои 4 синфхона мебошад.

Дар муассисаи мазкур барномаи “eDonish” ба намоиш гузошта шуда, дар бораи фаъолияти таҷрибавӣ маълумот доданд.

Бо ба истифода додани бинои иловагии муассисаи мазкур хонандагон бо шароити мусоиди таълимӣ фаро гирифта шуданд.